Sulmuesi i Juventusit, Cristiano Ronaldo i ka thënë klubit të tij të ri të nënshkruaj me yllin e Real Madridit, Marcelon, vetëm 24 orë pasi iu bashkua klubit.

33-vjeçari finalizoi transferimin e tij për 113 milionë euro te “Zonja e Vjetër” javën e kaluar pasi vendosi të largohet nga Madridi pas nëntë viteve në Bernabeu, transmeton portali arbresh.info.

Reprezentuesi i Portugalisë posedon thuajse çdo rekord në Madrid, por kontrata e tij katër vjeçare në Juventus sugjeron që ai mendon se mund të vazhdoj të jetë në krye edhe për disa vite që vijnë.

Dhe, sipas gazetës spanjolle ‘Sport’, Ronaldo i ka thënë Juventusit të nënshkruaj me Marcelon në ditën që finalizoi transferimin e tij në klub.

Marcelo ka ngjallur gjithashtu spekulime se mund t’i bashkohet atij te Juventusi duke shkruar në Twitter: “Së shpejti do të jemi sërish së bashku”./arbresh.info/